Врз  основа на член 57 став 4 од Законот  за локална самоуправа ('Службен весник на РМ” број 5/2002), а во врска со член 3 од Уредбата за начелата за внатрешната организација на oрганите на државната урава („Службен весник на РМ” бр.105/07), и Одлуката на Советот на општина Конче донесена на 17.03.2010 година:

Општинската администрација на општина Конче се организира во следните сектори одделенија:

1. Одделението за правни и општи работи;
2. Одделението за финансиски прашања
3. Одделение за урбанизам, комунални работи, животната средина и  локален економски развој,
4. Одделение за инспекциски работи;
5. Одделение за управување со човечки ресурси;

Одделението за правни и општи работи ги врши следните работи:
 - изготвување на одлуки и други општи и поединечни акти од надлежност на Советот и Градоначалникот;
- дава мислење на актите од аспект на нивната законитост, ги следи прописите и нивните измени и дополнувања;
- архивско работење и административно технички работи;

 - врши стручни и организациски работи за функционирање на Советот и  на неговите тела, како и на Градоначалникот.
- ги информира корисниците на услугите за полесно остврување на нивните права;
- работи од канцелариското работење кое опфаќа прием, отварање, евиденција и испраЌање на актите на органите на општинта;
- дактилографски работи;
- работи за возниот парк и други технички работи (одржување на хигиена и достава на пошта);
- ги координира работите помеѓу локалната самоупрва и примарното здравство, образованието, културата, социјалната заштита и другите  јавни  дејности предвидени со Законот за локална самоупрва.

Одделението за финансиски  прашања ги врши следните работи:
- следење и примена на законите и подзаконските акти од областа на буџетското и
материјално - финансиското работење;
- управување, следење и контрола на состојбата и движењето на средствата и изворите на средствата на субјектот утврдени со буџетот;
- подготвување, извршување и известување за извршувањето на буџетот за субјектот;
- подготовка на стратешкиот план на субјект;
- измена и дополнување на буџетот и стратешкиот план на субјектот;
- контрола на подготовката и извршувањето на буџетот;
- спроведува ex-ante и ex-post финансиска контрол;
- изготвувањето на финансиски план за извршувањето на буџетот (месечен,квартален и годишен) за субјектот, органите во состав и единките корисници на субјектот;
- следењето на остварувањето на приходите и извршувањето на трошоците на субјектот;
- сметководствено евидентирање за извршувањето на буџетот и подготвување на годишна сметка;
- подготовка на Годишен финансиски извештај, освен извештај за извршените ревизии и активности на внатрешната ревизија, кој ги подготвува одделението за внатрешна ревизија, а е составен дел од овој извештај, согласно член 47 од Законот за јавна внатрешна финансиска контрола (“Службен весник на Република Македонија“ бр. 90/09);
- благајничко работење;
- подготовка, примање, ликвидирање и контрола на сметководствената
документација;
- пресметувањето и исплатата на платите на вработените во субјектот;
- примената на законите, подзаконските акти и други прописи од областа на јавните набавки;
- следењето и согледувањето на потребите од набавки во субјектот со органите и подрачните единици во негов состав;
- изготвувањето на годишен план за јавните набавки и негова реализација  
- и други работи од областа на финансиското управување и контрола.“

Одделението за урбанизам, заштита на животната средина и локален економски развој ги врши следните работи: урбанистичко (урбано и рурално) планирање;

• издава извод од урбанистички план и решенија за локациски услови;
• издава одобренија за градба на објекти од локално значење;
• уредување на просторот и уредување на градежно земјиште;
• донесување на мерки за заштита и спречување од загадување на животната средина и природата;
• издава Б интегрирани еколошки дозволи;
• издава лиценци и дозволи за превоз на патници;
• цивилна заштита;
• противпожарна заштита;
• се грижи за јавното осветлување на подрачјето на општината;
• ги следи состојбите со локалните патишта и улици, нивната изградба, реконструкција и одржување;
•  се грижи за состојбата со јавното зеленило, дрворедите и јавните чешми и
  фонтани и комунална опрема поставена на улиците и на другите јавни
  површини.
•    врши работи на локален економски развој;
• остварува меѓународна и меѓугранична соработка;
• остварува соработка со бизнис секторот, јавниот сектор  и  НВО сектор;
• аплицира со пректи пред домашните и странските донатори;

Одделението за инспекциски работи ги врши следните работи:
-врши инспекциски надзор и контрола на спроведувањето на законските прописи од областа на комуналните работи;
-врши инспекциски надзор и контрола на спроведувањето на законските прописи од областа на патниот сообраЌај;
-врши инспекциски надзор и контрола на спроведувањето на законските прописи од областа на заштитата на животната средина;
-врши инспекциски надзор и контрола на спроведувањето на законските прописи од областа на градежништвото и урбанистичкото планирање;
- врши инспекциски работи и контрола во образованието и спортот;
-врши инспекциски работи  и контрола во остварувањето на општинските даноци и такси и друг надзор од надлежност на општината;  

-врши и други работи доверени од Советот и Градоначалникот

Одделението за управување со човечки ресурски ги врши следните работи:
         
-врши работи кои се однесуваат на следење и  примената на законите и другите прописи и општи акти;
-како и изготвување на акти  кој се однесуваат на правата, обврските и одговорностите на вработените;
-обезбедува координација  на управување  со процеси  и човечки ресурси -стручно усовршување , едукација , тренинг- обука на вработените во општинскта  администрација;
- се грижи за обезбедување оптимални услови за работа на вработените,
- го координира процесот на оценување на државните службенци,
- ги подготвува одликата за организацијата, делокругот и начинот на извршување на работите на општинската администрација, Правилникот за систематизација на работните места во општинската администрација, како и измените и дополнувања на овие акти, изработува програма како составен дел од програмата за работа на органот врз основа на предлозите од вработените на одделението
- организира состаноци на мрежата на одделението за управување со човечки ресурси,
- остварува редовна комуникација и соработка со другите одделенија за човечки ресурси од органите на упрвата со цел откривање на човечки потенцијали и дава предлог ѕа вработување без јавен оглас од еден во друг орган ,
-го следи развојот на органиѕационата култура во органот во функција на остварувањето на целите во органот правилно применување и спроведување на законите и сите позаконски акти од областа на човечките ресурси
- спроведување на политиката за управување со човечки ресурси во органот,
- организирање на состаноци на комисијата за водење на дисциплински постапки за утврдување на дисциплинска одговорност и комисијата за утврдување на материјална одговорност на државните службеници,
- континуирано следење на состојбата на човечките ресурси организирање на состаноци со раководителите на секторите и одделенијата за планирање на потребите за човечките ресурси на органот,
- советување и соработка со другите раководители на органот за прашања од областа на управување со човечки ресурси оценување на државни службеници ,
- изработка на извештај за оценување изработување предлози ѕа подобрување капацитетот на знаењето на државните службеници,
- за потребите на комисијата за јавни набавки изработува технички спецификации за избор на надворешен субјект(правни и физички лица),
- ги изработува основните елементи на документи за реализирање на меѓусебните права и обврски при стручно оспособување и усовршување на ДС во органот , ја следи примената на етичкиот кодекс на ДС,
- соработува со сметководството во одржување на базата на податоци за плати на ДС ги води личните досиеа на вработените,
- целосно го користи софтерот за човечки ресурси и ја одржува базата на податоци за државни службеници а воедно контактира со АДС,
- како и работи кои ќе му бидат доверени од Градоначалнокот на  општината.